KZ

«Ағзалар мен тіндердің қайтыс болғаннан кейінгі донорлығы өлімнің арғы жағына да жалғасатын махаббаттың көрінісі болуы мүмкін. Мұндай сый немесе мирасты адамның міндеті деп санауға болмайды. Сондықтан донордың тірі кезіндегі ерікті келісімі эксплантацияның заңдылығы мен моральдық қолайлылығының шарты болып табылады» (Православие Шіркеуінің трансплантологияға көзқарасы).

«Ағзаны ауыстырып қондыру шын мәнінде қажетті болуы тиіс. 2014 жылы Қазақстан мұсылмандары діни басқармасы жанындағы ғалымдар кеңесінің отырысында қабылданған Пәтуәға сәйкес, дәрігерлер науқасты емдеу үшін тірі немесе өлі адамның сау ағзаларынан басқа амал жоқ екенін және бұл науқасқа пайда әкелетінін нақты көрсетуі тиіс.

Мәселен, 2021 жылғы 10 қыркүйекте Орал қаласында қайтыс болғаннан кейін донордан мультиағзалық алу алғаш рет өтті.

Күту парағындағы пациенттерге транспланттау мақсатында қайтыс болғаннан кейінгі донордың жақын туыстарынан оның ағзаларды алып қоюға келісім беруі жоғары гуманизм мен азаматтықтың актісі болып табылады, бұл әрқайсымызға қайтыс болғаннан кейін ағзалар донорлығына көзқарасымызды және дүниетанымымызды қайта қарауға мүмкіндік береді.

Ағзаларды алып қою нәтижесінде 2021 жылғы 10 қыркүйекте Нұр-Сұлтан қаласының транспланттау орталықтары Қазақстан азаматтары үшін 2 донорлық ағзаны ауыстырып салуды жүзеге асырды.

Біз қайтыс болғаннан кейінгі донордың туыстарына олардың өмірлерінің қиын кезеңінде қабылдаған, күту парағындағы отандастарымызға жаңа өмір сыйлауға көмектесетін шешімі үшін алғыс білдіреміз.

Коронавирустық инфекциямен байланысты ағымдағы жағдайға қарамастан, транспланттаушы үйлестірушілер Қазақстан Республикасының заңнамасы шеңберінде ықтимал донорларды анықтау бойынша белсенді жұмысты жалғастыруда. Коронавирустық инфекция бойынша шектеу іс-шаралары трансплантаттаулар санына теріс әсер етті.

2021 жылғы 10 қыркүйектегі жағдай бойынша республикада 3365 адам, оның ішінде 104 бала донорлық ағзаларды ауыстырып қондыруға мұқтаж.

Өкінішке орай, 2021 жылдың 8 айында күту парағы қайтыс болу себебінен 235 адамға азайды.

Қазақстан азаматтарына трансплантаттау тегін медициналық көмектің кепілдік берілген көлемі мен әлеуметтік медициналық сақтандыру қорының қаражаты есебінен тегін орындалады.

 

Транспланттауды және жоғары

технологиялық медициналық қызметті үйлестіру

жөніндегі республикалық орталық

2020. Барлық құқықтар қорғалған

© ABC DESIGN-да жасалған - Нұр-Сұлтанда сайттар жасау және қолдау