Белорус трансплантологияcы әлемдегі жетекші орындарға шықты. Ел үздік ондық қатарында және Австралия, Ұлыбритания, Германиядан алда келеді.
Хирургтар ағзаларды қайта ауыстырып қондыруды сәтті жүзеге асыруда. Мысалы, жақында 43 жастағы ер адамға бауырды шұғыл қайта трансплантаттау жасалды. «МИР 24» тілшісі Полина Срибненко жағдайдың егжей-тегжейін білді.
Андрейді үйінде үш баласы күтуде. Ол бауырды ауыстырып қондырудан кейін көп балалы әке болды. Өзін жақсы сезінгенімен, кіші қызының алғашқы мектеп қоңырауын өткізуге тура келді. 10 жылдан кейін донорлық ағзада қабыну пайда болды. Ол шұғыл түрде «ауыстырылды».
«Мен екінші трансплантаттаудан кейінгі басқа адамдарды көрдім. Көңілім жайлы болды. Сонымен қатар, сенімімді дәрігерлердің сенімділігі арттырды. Құдайға сенімім де көмектесті», - дейді Минск тұрғыны Андрей Самусевич.
Дәрігерлер пациенттің оңалту курсынан өткен кезде бірнеше айдан кейін жұмысқа орала алады деп уәде береді. Оңалту курсы алғашқы ауыстырып қондырумен салыстырғанда ұзағырақ. Қайта трансплантаттау жағдайында операция екі есе көп уақытты алады және қауіп-қатері әлдеқайда ауыр болады.
«Хирургтар үшін өте қиын міндет, себебі хирург операцияны қайта жасайды. Алдыңғы операция аймағында қосылған жерлер, бітіп кетулер пайда болады. Негізгі тамырлы құрылымдар, арналар, олар да тыртықтардың ішінде болады. Осының барлығы қан кетумен қатар жүруі мүмкін қосымша техникалық қиындықтар туғызады», – деп атап өтті трансплантология бөлімінің меңгерушісі Сергей Коротков.
Минск трансплантология орталығында мұндай операциялар бірегей санаттан қатардағы санатқа өтті. Мұнда 40-қа жуық қайта трансплантаттау жасалды. «Бізде үш трансплантаттаудан өткен науқас бар. Қазіргі уақытта ол жұмыс істейді, әдеттегідей өмір сүреді, өмір сапасы жоғары», – деп толықтырды Сергей Коротков. Көмек алу үшін белорус дәрігерлеріне тек көрші елдерден ғана емес, Жапониядан, Израильден, АҚШ-тан да жүгінеді. Орталықтың әрбір оныншы пациенті – шетелдік. Мамандар ауыр науқастарға тағы бір мүмкіндік беріп қана қоймайды, сонымен қатар көптеген адамдардың қолайлы ағзасын күтуі, және оның мүмкіндігінше ұзақ қызмет етуі үшін жұмыс істейді. «Қабылдамау реакциясының алдын алу үшін жасушалық технологиялар, гепатоциттерді өсірудің жасушалық технологиялаоры және жасанды бауыр жасау әрекеттері белсенді қолданылады. Сонымен бірге, операциядан кейінгі асқынулардың профилактикасы әдістері де жетілдірілуде»,-деді Минск хирургия, трансплантология және гематология ғылыми-практикалық орталығының директоры Олег Руммо. Жақында дәрігерлер операциялардың жаңа түрлерін игере алады. Мысалы, аяқ-қолды трансплантаттау. Мұндай мүмкіндіктер орталықтың ең заманауи жабдықтармен жасақталған және талдаулардан бастап операциядан кейін қалпына келтіруге дейінгі қызметтердің толық циклін құрайтын жаңа корпусында болады.
Дереккөз https://mir24.tv/news/16425948/belarus-operedila-avstraliyu-i-germaniyu-v-oblasti-transplantologii