Баяғыда «Қазақстанда бірінші рет жүрек ауыстырды, алғаш рет бүйрек трансплантациясы жасалды, бауыр ауыстыру операциясы сәтті өтті» деген жаңалықтар елді елең еткізетін. Қазір бұл жаңалық емес. Бүгінгі таңда елде жүрек, бүйрек, өкпе, бауыр трансплантациясы жасалады. Десек те, донор мәселесі күйіп тұр. Әлем елдерінде қалыпты саналатын мәйіттік донор бізде әлі күнге халық қорқа қарайтын, жіті түсінбейтін құбылыс күйінде.