Ақтөбеде бүйрек трансплантациясы жасалды.
Інісі туған әпкесіне донор болып бір бүйрегін беруге келіскен. Ақтөбе медицина орталығында өткен күрделі ота сәтті аяқталды. Бұл биылдыққа жасалған алғашқы операция. Операция медицина ғылымының профессоры, академик Жақсылық Досқалиевтің қатысуымен өтті.
Операция үстелінде жатқандар 44 және 41 жастағы бауырлар. Атыраулық науқас ұзақ жылдан бері ауырып, дертіне дауа таппаған. Бүйрегін алмастырса ғана жағдайы жақсаратынын естіген інісі өз бөтекесін беруге бірден келісіпті. Хирургтер інісінің бір бүйрегін апасына сәтті орналастырды.
Бұл биылдыққа жасалған алғашқы ота. Өйткені жыл басынан бері атышулы індеттің кесірінен жоспарлы операциялардың барлығы кейінге шегірілген еді. Жылына 250 ағза алмастыру операциясы жасалып келген болса, Биыл оның саны 80 ғана.
Академик Ақтөбе өңірінің медицинасына, жалпы ақхалаттылар ұжымына жоғары баға берді. Ота жасаудағы басты кедергіні атап өтті. Бұл донор тапшылығы. Сондықтан мәйіт донорлығына түсіністікпен қарап, дамыту қажет дейді тәжірибелі дәрігер.
Айта кеткен жөн биыл мәйіттік донор арқылы елде екі ота жасалды.
https://aktobetv.kz/kz/news/society/buirek-almastyru-operaciyasy-setti-otti
Ұйым туралы негізгі ақпарат
ҚР ДСМ «Транспланттауды және жоғары технологиялық медициналық қызметті үйлестіру жөніндегі республикалық орталық» Шаруашылық жүргізу құқығындағы республикалық мемлекеттік кәсіпорны (бұдан әрі – «ТЖТМҚҮРО» ШЖҚ РМК) Қазақстан Республикасының аумағында транспланттау қызметін дамытуға жәрдемдесу бойынша функцияларды жүзеге асыру үшін құрылған. Мекеменің негізгі мақсаты Қазақстан Республикасының аумағында транспланттау қызметін үйлестіру болып табылады.
ТЖТМҚҮРО қызметінің мақсаты Қазақстан Республикасында ағзалық донорлықтың тиімді ұлттық жүйесін құру және трансплантология ғылымын дамыту болып табылады.
Транспланттау қызметін үйлестіру ТЖТМҚҮРО тәулік бойы режимінде жүзеге асырылады. Транспланттау қызметін үйлестіруді қамтамасыз ету үшін, облыс орталықтарында, республикалық маңызы бар Астана және Алматы қалаларында өкілдіктер құрылған. Елде бүгінгі күні ағзаларды алу жүзеге асырылатын 40 донорлық стационар, транспланттау бойынша ота жүргізуге лицензиясы бар 7 транспланттау орталығы қызмет етеді.